💪 Fitness Mantra: व्यायाम नियम संबंधित 25 सोप्या गोष्टी

व्यायाम म्हणजे केवळ अंगाची हालचाल नाही, ती एक जीवनशैली आहे. योग्य नियम पाळून केला गेलेला व्यायाम हे निरोगी दीर्घायुष्याचं गुपित ठरू शकतं. खालील टिप्स तुमचं शरीर, मन आणि ऊर्जा यांना संतुलित ठेवण्यासाठी मार्गदर्शक ठरतील. नक्की फॉलो करा.

Read other Articles in Daily Digest Series

• व्यायाम नेहमी मोकळ्या, हवेशीर जागेत करा. शुद्ध वायूमुळे फुफ्फुसं मस्त खुलतात आणि मेंदूला ताजीतवानी फ्रेश ऊर्जा मिळते.
  
• श्वासावर लक्ष द्या. व्यायाम करताना श्वास नाकानेच घ्या — यामुळे शरीराला एकदम छान योग्य ऑक्सिजन मिळतो.
  
• शरीर थकवणारा व्यायाम टाळा. थोडा कमी व्यायाम केलात तरी चालेल, पण ओझं वाटून करू नका.
  
• तुमचं वय काय आहे? वय आणि क्षमतेनुसार व्यायाम निवडा. लहान, मोठे आणि वृद्ध — प्रत्येकासाठी व्यायाम वेगळा असावा.
  
• सुपाच्य म्हणजे पचनासाठी उत्तम आणि पोषक आहार घ्या. असे केल्यास व्यायामाच्या फायद्याला दुहेरी परिणाम मिळतो. जेव्हा शरीराला हवं तितकं योग्य इंधन दिलं जातं.
  
• रिकाम्या पोटीच व्यायाम करा. पोट भरलेलं असेल तर शरीर लवचिक राहत नाही. पण तुम्हाला रिकाम्या पोटी व्यायाम झेपत नसेल, तर थोडे पोषक पदार्थ खाऊन व्यायाम सुरू करू शकता.
  
• व्यायामाचे ठरलेले वेळापत्रक ठेवा. ठराविक वेळीच व्यायाम करत जा. त्यावेळी सोबत तुमच्या शरीराचं configuration होत राहतं. शरीराला एक सवय लागते, तीच परिणामकारकतेची गुरुकिल्ली आहे.
  
• व्यायामाचं हळूहळू प्रमाण वाढवा. पहिल्या दिवसापासून तासभर धावणं गरजेचं नाही, प्रगतीला वेळ द्या. उगीचच भरपूर आणि जीवाचे हाल होईपर्यंत व्यायाम करून सुरुवात करू नका.
  
• मन आनंदी ठेवा. उत्साहाने आणि हसत खेळत, केलेला व्यायाम शरीराला अनेक पटीने फायदेशीर ठरतो.
  
• प्रत्येक व्यायामाची योग्य पद्धत शिका. म्हणजे जी परफेक्ट शास्त्रीय पद्धत आहे त्याची माहिती घ्या व त्याप्रमाणे व्यायाम करा. तसेच जगातले सगळे व्यायाम आपल्यासाठीच बनवलेले आहेत अशा विचारांनी भरमसाठ व्यायाम करायला सुरुवात करू नका. चुकीची पद्धत इजा  पोचवू शकते.
  
• उबदार शरीराने व्यायाम सुरू करा. वॉर्म अप एक्सरसाइज. सुरुवातीला केलेल्या हलक्या स्ट्रेचिंगने मसल्स तयार होतात आणि दुखापतीचा धोका कमी होतो.
  
• व्यायाम केल्यानंतर, थोडा वेळ शांत ध्यान करा. योगनिद्रा करा. शरीर मन शांत करा. शरीर आणि मन दोघांनाही हे मेडिटेशन गरजेचं आहे.
  
• व्यायामाचा कंटाळा येऊ नये म्हणून विविधता ठेवा. काही दिवस झुंबा, कधी योगासने, कधी चालणं, कधी थोडा फास्ट व्यायाम, कधी ब्रीदिंग सोबत केलेला व्यायाम. चालण्याचा व्यायाम आणि शरीराचे एका जागी थांबून करण्याचे व्यायाम असा दोन्हीचं कॉम्बिनेशन ठेवू शकता.
  
• व्यायाम करताना कितीही तुम्ही व्यवस्थित शेड्युल केलेला असेल तरीही शरीराचं म्हणणं काय आहे ते सुद्धा ऐका. जर शरीर सांगतंय की, हा व्यायाम आपल्याला झेपत नाही, तर शरीराला टशन न देता, एखादा व्यायाम त्रासदायक वाटत असेल तर थांबा — शरीर बोलतंय!
  
• शरीराचं सन्मानपूर्वक परीक्षण करा. शरीराची स्तुती करा. आरशात पाहून टीका करू नका, प्रगती पाहा.
  
• झोपेची गुणवत्ता राखा. भरपूर पुरेशी झोप शरीराला रिकव्हर होण्यासाठी आवश्यक असते. या पॉईंटला जरा सिरीयसली घ्यावे.
  
• पाणी प्यायला विसरू नका. व्यायामानंतर हायड्रेशन सर्वात महत्त्वाचं आहे. अगदी लगेच व्यायाम थांबवल्याबरोबर पाणी पिऊ नये.
  
• दर आठवड्याला एक दिवस 50% विश्रांती घ्या. विश्रांती देखील प्रगतीचाच भाग आहे.
  
• घरच्या घरी व्यायाम करायचा असेल तर मार्गदर्शक व्हिडीओ वापरा. चुकीच्या हालचाली टाळण्यासाठी हे फायदेशीर ठरतं.
  
• हृदयासाठी कार्डिओ व्यायाम महत्त्वाचे आहेत. पण आजकाल कार्डिओ व्यायामचा भरपूर अतिरेक होताना सुद्धा दिसतो. असा अतिरेक करू नका. दररोज थोडं चालणं, दोरीच्या उड्या, सायकलिंग किंवा पळणं ठेवा.
  
• स्नायूंना बळकट करणारे व्यायामही गरजेचे आहेत. ताकद आणि स्थैर्य दोन्ही मिळवण्यासाठी.
  
• आपला प्रगती आपल्या व्यायामाच्या डायरीत लिहा. वजन, उंची नव्हे – मन:स्थिती, ऊर्जा आणि श्वास यातले बदल टिपा. त्या डायरीला एक नाव सुचवते – ‘हेल्थ इज वेल्थ’
  
• मोबाईल दूर ठेवा. व्यायाम करताना फोकस तुमच्यावर हवा — ‘फिटनेस मोड ऑन’.
  
• हे शरीर तुमचं मंदिर आहे. ‘जान है तो जान है।’ त्याची काळजी घ्या, सजवा आणि प्रेम करा.
  

आपल्याला फिट बॉडी हवी आहे. ‘हरेक को पैलवान बनने का नही हैं।‘

लेख आवडल्यास जरुर कळवावे. लेखाचे copyrights फक्त माझ्याकडे आहेत. copyright चा भंग करु नये. म्हणजेच कोणताही स्क्रीनशॉट काढू नये. तसेच copy paste करू नये. या लेखाची लिंक तुम्ही शेअर करू शकता. धन्यवाद.

Dr. Sunetra Javkar 9820373281 ©
Hypnotherapist, Mind Counselor, Naturopath, Past Life Regression & Crystal Healing Therapist. QUANTUM HOLISTIC HEALTH.